Პროცესი დავიწყეთ  ჭიათურის მუნიციპალიტეტში ღია კარიერული მოპოვების შედეგად დაზიანებული ტერიტორიების აღრიცხვით და მოვამზადეთ რეკულტივაციის პროექტი, რომლითაც განვსაზღვრეთ გარემოსდაცვითი გადაწყვეტები. Პროექტის მიხედვით, რეკულტივაციას ექვემდებარება ჭიათურის მუნიციპალიტეტში მდებარე ყველა კატეგორიის დაზიანებული და დეგრადირებული ტერიტორიის ნიადაგი, რომლებმაც უარყოფითი ზემოქმედების შედეგად ნაწილობრივ ან მთლიანად დაკარგეს პროდუქტიულობა. რეკულტივაციის პროცესს ორ ეტაპად ვახორციელებთ, რის შედეგადაც მივიღებთ ტექნიკურად და ბიოლოგიურად აღდგენილ ფართობებს, რომელიც შერწყმული იქნება არსებულ ლანდშაფტთან. რეკულტივაციის სამუშაოების ფარგლებში უკვე გვაქვს ტექნიკურად რეკულტივირებული 108.2152 ჰექტარი და ბიოლოგიურად რეკულტივირებული 23,22 ჰექტარი ტერიტორია.